Transcription
1
Monsieur, je vous en vouye se messaigier expressement pour vous fère
2
entendre coment monseigneur de Montbrun na Rien layssé assa meyson,
3
ny feme ny enfans, ne aulcun meuble et suis este adverti dung
4
gentilhomme de la Religion des principaulx comment monseigneur de Montbrun
5
atant le baron de Preste avec les provensaulx et tous ceulx de se pays
6
gentilshomes et aultres de ladite Religion sont mandés disant semblables
7
paroles à ceulx de la religion : "faictes bien repètre vous chevaulx et parer
8
et net[o]yés vous meysons et ny layssés rien dedans et tenyr vous armes
9
et chevaulx tous prest car y se fault metre en campanye et se amasser
10
fort a Montbrun". Je ne scay out veullent aller et que veullent faire
11
vous asseurant que ce que je vous scriptz contient verité et assurés vous
12
bien que doibt estre au champs dans cinq ou six jours pour le plus tard
13
et serèt bon si vous pleisèt advertiriés monseigneur de Gordes et ly pourriés
14
fere tenyr ceste lettre mesmes. Je fus yer à Nyhons et lya sinquante arquebuses
15
forestiers. Aussi je advertis Le Buys que se prinsent garde et aussy jay
16
mandé deux heures deuant jours la hault aux montagnes pour tenyr advert
17
La Mote Sainct André et Serre, car je vous assure que tout se que je vous
18
script contient verité. Car je suis este adverti des plus principaulx de mes
19
amys de la religion, lequel me dict que ny a plusieurs que ne marcheront
20
pas, ne luy avec. Et se survient quelque aultre chose, ne fauldray vous
21
en advertir comme je vous suplie que de votre costé feré le semblable, que sera
22
pour la fin et que je my voys recommander bien humblement à votre bonne grace,
23
priant dieu
24
Monsieur que vous tenyr en sa saincte digne garde. De votre mayson
25
du Pegue, le 6 octobre 1572
26
Votre pour james obeisant a vous
27
fere treshumble seruice
28
Le Pegue
29
Y font courir le bruyt que
30
il ont deffaict le duc d’albe
31
et pandu et quilz ont deffaict
32
monseigneur de la Garde et qui ont mis
33
les Angletz à La Rochelle. Je ne
34
le croys pas, mès je croys qui le font
35
pour pouvoir lever tout le monde de la
36
Religion